جست طاووق

عنّا بلبنان بس تكون مخوّر من الجوع وبدك تغير جو بتنزل عالجميزة تتاكل أطيب طاووق من ايدين لمعلم

مشان هيك حبينا نعيشكون أجواء الشارع اللبناني وندوقكون الطاووق مع أحلى الوصفات المحضرة عنّا خصيصاً

منقدملكون الطاووق مع الماشروم المشوي.. الطاووق مع سلطة الملفوف

وأكيد ما نسينا ياللي قلبون قوي وبحبو الشلفطة كرسبي طاووق مع الهالبينو نار يا حبيبي نااار

اما الإكيلة ما الن غير بركان الطاووق ، اكل الرجال ع قد فعالها صحتين

هلأ لي عاملي فيها كثير صحي ما الك غير طبلية ستي وما تقول غير شغل ستي

هيدا غير الصوصات الغير شكل كل واحد وزوقوا

وإذا بدكن تلقمشو شي طيب مع السندويش عندك حلوم المهضوم وبطاطا المعلم قصة كبيرة

من الآخر كول ودعيلنا

صحتين